ვიქტორინა-მე-11 კლასი
მე-11 კლასში ჩავატარე ვიქტორინა: "კაცია ადამიანის?!" შეჯამება. კლასი გავყავი ორ ჯგუფად, რომლებიც ერთმანეთს წინასწარ მომზადებულ კითხვებს უსვამდნენ. თითოეულ გუნდს ჰყავდა თავისი ხელმძღვანელი. ჯგუფებმა დავალებას წარმატებით გაართვეს თავი. გამოვლინდა გამარჯვებული ჯგუფი.
ვიქტორინის კითხვები:
- რომელი ანდაზა უძღვის "კაცია ადამიანს?!" ეპიგრაფად?
- როგორ ხსნის ამ ეპიგრაფის საჭიროებას მწერალი?
- რატომ იწყებს ილია ნაწარმოებს შესავლით?
- მწერლის აზრით, რას ნიშნავს ნამდვილი მოყვრობა?
- როგორ ახასიათებს მწერალი "ხალხის გენიას"?
- რასთან არის შედარებული თათქარიძის ეზო?
- რასთან დაკავშირებით არის მოხმობილი ანდაზა:"ხერხი სჯობია ღონესა, თუ კაცი მოიგონებსა"?
- ფანჯარაზე აკრულ გაქონილ ქაღალდზე რა იყო ხოლმე წაწერილი?
- ქართველი კაცი ბედსა და უბედობას ერთმანეთისგან როგორ არჩევს?
- ლუარსაბის აზრით, ბატონი როგორ უნდა მოეპყროს გლეხკაცს?
- ლუარსაბის აზრით, მათი გვარი როდინდელია?
- რას საუბრობენ ლუარსაბი და დარეჯანი "ბოროტისა და კეთილის" ხეზე?
- რა ჭორი მოიტანა ელისაბედმა თავადებისთვის ყმების ჩამორთმევის თაობაზე?
- როგორ უხსნის ლუარსაბი დათოს დიდ-პატარაობის არსს?
- როგორ აღუწერა სუტ-კნეინამ ლუარსაბს გძელაძის ქალი დარეჯანი?
- მომავალი საცოლისა განსაკუთრებით რა ხიბლავს ლუარსაბს?
- აღწერეთ, როგორ გაემგზავრნენ თელეთის ხატის მოსალოცად ლუარსაბი და დარეჯანი?
- როგორ გარდაიცვალა ცოლ-ქმარი?
- როგორ მიმართავს ფინალში ილია მკითხველს?
ვიქტორინის ჩატარების ანგარიში:
ვიქტორინის ჩატარების დღე: 20 ნოემბერი კლასი: მე-11
აგარის საჯარო სკოლა საგანი: ქართული ლიტ-რა
მიზანი:საკომუნიკაციო უნარ-ჩვევებისა და სტრატეგიების განვითარება, რომლებიც უზრუნველყოფს სოციალურ გარემოში პიროვნების ადეკვატურ თვითგამოხატვას; საუბრის, დისკუსიის, დებატების, სხვადასხვა თემაზე საუბრის წარმართვას.
მისაღწევი შედეგები:
- მოსწავლეებს ჩამოუყალიბდებათ არგუმენტირებული მსჯელობის უნარი;
- შეძლებენ ლიტ-ულ ნაწარმოებზე სუბიექტური მოსაზრების ჩამოყალიბებას;
- გამოუმუშავდებათ საკუთარი პოზიციისა და ღირებულებითი დამოკიდებულებების წარმოჩენა;
- განიმტკიცებენ აზრის ცხადად, ლაკონურად და მკაფიოდ გამოხატვის უნარს;
- შეძლებენ ფაქტების ანალიზს,შედარებას, განზოგადებას.
საკვანძო მეთოდები:
მოსწავლეები წინასწარ შედგენილი და მასწავლებლის მიერ შემოწმებული კითხვებით გამართავენ დისკუსიას.
მიაღწიეს თუ არა მოსწავლეებმა შედეგს:
მოსწავლეებმა გამოავლინეს მსჯელობის, ტექსტის ანალიზის, საკითხებთან შემოქმედებითი დამოკიდებულების უნარი.
მოსწავლეთა მაქსიმალური ჩართულობა:
ვიქტორინაში ყველა მოსწავლე იყო ჩართული
რის ათვისება შეძლეს მოსწავლეებმა:
მოსწავლეებმა განიმტკიცეს მსჯელობის უნარი;
შეძლეს ლიტ-ულ ნაწარმოებში ასახული ფასეულობების აღქმა-გააზრება და მათ მიმართ საკუთარი დამოკიდებულების გამოხატვა.
რა დასკვნის გაკეთება შეიძლება:
მე ვფიქრობ, რომ ვიქტორინები ამაღლებს მოსწავლეთა მოტივაციას, რის შედეგადაც შესაძლებელი ხდება კლასის 100%-იანი ჩართულობის მიღწევა საგაკვეთილო პროცესში.
No comments:
Post a Comment