კვლევა                                                                                          

  თემა: რატომ არ უყვართ ბავშვებს მკაცრი მასწავლებელი?                                                           

 კვლევის მიზანი: მასწავლებელთა მიმართ უარყოფითი დამოკიდებულების მიზეზების დადგენა და პრობლემის მოგვარების გზების ძიება.                                                                                                      

  სამიზნე ჯგუფი: მე-2,  მე-11, მე-12  კლასების 100 მოსწავლე                                                    

 გამოყენებული მეთოდები:                                                                                                    

 მასწავლებლის დაკვირვება მოსწავლეებზე  საგაკვეთილო პროცესში                                                          

ანონიმური გამოკითხვა, თუ რატომ არ მოსწონთ მკაცრი მასწავლებელი.                                               

მონაცემთა ანალიზი                                                                                                                             

 დისკუსია                                                                                                                                                                                                                                                                                                               

 ჩატარების ადგილი: დაბა აგარის საჯარო სკოლა                                                                             

ჩატარების დრო : 20.09-დან   5.10-მდე

                                                                                            

    მოსწავლეები ხშირად გამოხატავენ  პროტესტს მკაცრი მასწავლებლების მიმართ და  საუბრობენ მათ გულგრილობაზე, ბავშვებთან მიდგომის ხერხების არცოდნაზე. ისინი მიიჩნევენ, რომ  მკაცრი მასწავლებლის გაკვეთილზე ითრგუნებიან და სრულყოფილად ვერ ავლენენ თავიანთ შესაძლებლობებს, ასეთი მასწავლებლის საგანსაც ინტერესით აღარ სწავლობენ. არის შემთხვევები, როცა ბავშვების ფსიქიკა ზიანდება, რადგან დაძაბულებს  და შეშინებულებს არ შეუძლიათ თავისუფლად აზროვნება.                                                            გადავწყვიტე, გამომეკვლია მე-2, მე-11 და მე-12 კლასის მოსწავლეთა პრობლემები ამ საკითხთან დაკავშირებით. პირველად ანონიმური წერილობითი გამოკითხვა ჩავატარე აღნიშნულ კლასებში. ბავშვებს უნდა ჩამოეყალიბებინათ მიზეზები, თუ რატომ არ უყვართ მკაცრი მასწავლებელი.                                                                                                

 რ  ა  ს    ა  მ  ბ  ო  ბ  ე  ნ   მე-2  კ  ლ  ა  ს  ე  ლ  ე  ბ  ი:                                                                



  მკაცრი   მასწავლებელი  გვიყვირის, უბრალო რამეზე გვეჩხუბება, ეს  ხელს  გვიშლის  ცოდნის  გამოვლენაში.  არ  გვიყვარს გაბრაზებული  მასწავლებლის  სახის დანახვა. ჯობია, კეთილი  და მოსიყვარულე იყოს.                                                              



   რ  ა  ს    ა   მ   ბ   ო   ბ   ე  ნ   მე-11   და  მე-12   კ   ლ  ა  ს  ე  ლ  ე  ბ  ი:                                   


    პედაგოგი  უნდა ცდილობდეს, ბავშვს  შეაყვაროს  თავი  და  ეს  ჩხუბითა  და  ყვირილით არ მიიღწევა. მასწავლებელმა  თავისი  ცოდნის   მაქსიმუმი  უნდა  გამოავლინოს. ბავშვს არ უნდა ეშინოდეს, დაუსვას მას  საინტერესო კითხვა.   ჩვენ,   მოსწავლეებს, გვიყვარს  ყველა  ის  მასწავლებელი, რომლებთანაც  მეგობრული  დამოკიდებულება  გვაქვს. პედაგოგს  არა  აქვს უფლება,  შეურაცხყოფა  მიაყენოს  მოსწავლეს. დღეს თითზე  ჩამოსათვლელია  იდეალური მასწავლებლები, რომლებსაც  ლმობიერებაც და სიმკაცრეც შეზავებული აქვთ.            ჩვენო  მასწავლებლებო,  გთხოვთ, ნუ  იქნებით  ზედმეტად მკაცრნი, ბავშვებს  მოსიყვარულე  მასწავლებლები  სჭირდებათ!  ჩვენი  პირადი   ცხოვრება,  მშობლები,  ნათესავები...  მხოლოდ ჩვენი საქმეა  და  არა თქვენი, გაითვალისწინეთ!                                                      
\

N	მკაცრი მასწ-ლი არ მოსწონს	მასწ-ლი მკაცრიც უნდა იყოს და ლმობიერიც	მასწ-ლი უნდა იყოს მკაცრი	არაფერს  შეცვლიდა
მოსწავლე	80	15	5

  

  მკაცრი მასწავლებელი  არ მოსწონს მოსწავლეთა 80%-ს.                                                                                                                                                                                        
   

მასწავლებელი მკაცრიც უნდა იყოს და ლმობიერიც, მიიჩნევს  15%                                                                                     


მასწავლებელი უნდა იყოს მკაცრი, მიაჩნია 5%-ს, რადგან ამ დროს ყველა მოსწავლე საგაკვეთილო პროცესშია ჩართული. მართალია, ამას შიში განაპირობებს, მაგრამ, მათი აზრით, ეს  აუცილებელია.


  ამ კლასებში შემსვლელ  მასწავლებლებს  ვთხოვე, განსაკუთრებულად  თბილი დამოკიდებულება გამოეხატათ  მოსწავლეთა მიმართ და დაკვირვებოდნენ, შეიცვლებოდა  თუ არა ურთიერთობა და სწავლის ხარისხი. გამოიკვეთა ასეთი სურათი: მოსწავლეები  საგაკვეთილო  პროცესში  სიამოვნებით ჩაერთვნენ, მონაწილეობა ისეთმა ბავშვებმაც მიიღეს, სხვა დროს რომ დუმილს ამჯობინებდნენ.                                                                                                                                                                                                                  
    როგორც ჩანს, მოსწავლეებს არ უნდათ ისეთი სკოლა, რომელშიც მკაცრი მასწავლებლები ასწავლიან და მათი სურვილია, ყოველი გაკვეთილი სიყვარულსა და სითბოს იტევდეს, სადაც თავისუფლად იგრძნობენ თავს  და ცოდნასაც უკეთესად მიიღებენ.